Den argentinske journalisten Leila Guerriero kjem til Sakprosafestivalen i Bergen 28. november. Eg har lenge fylgt med på skribentverksemda til Leila og endeleg fått høve til å omsette dokumentaren “El rastro en los huesos” til norsk. Dokumentaren “Spor i knoklar” handlar om ei gruppe rettsantropologar i Argentina som har via livet sitt til å avdekke kva som skjedde med dei som forsvann under militærdiktaturet i Argentina – og seinare i mange andre internasjonale konfliktar. Ei av dei viktigaste oppgåvene for teamet er å hjelpe familiar å finne beinrestar etter forsvunne born, foreldre og andre familiemedlemmer i massegraver. Reportasjen kom på trykk i haustutgåva a Magasinet Plot (#25/2015).
Les om arrangementet her: Gjør journalistikk til kunst
